இதுகுறித்து அப்பகுதியினர் கூறியதாவது: அன்னை சத்யா நகர், பூம்புகார் நகர், திருவள்ளுவர் நகர் மற்றும் சூளை ஆகிய பகுதிகள் வழியாக ஓடும் பிச்சைக்காரன் பள்ளம் ஓடையில், கோரை புற்கள், புதர் வளர்ந்து காணப்படுகிறது. ஆங்காங்கே பிளாஸ்டிக் கழிவு தேங்கியுள்ளது. ஒரு சில நாட்களில், பருவமழை துவங்க உள்ள நிலையில், மழை காலத்தில் வெள்ளப்பெருக்கு அதிகரித்தால், புதர்கள் காரணமாக கரையோர பகுதிகளுக்கு பாதிப்பு ஏற்பட வாய்ப்பு உள்ளது. எனவே பருவமழை தொடங்கும் முன், பிச்சைக்காரன் பள்ளம் ஓடையில் உள்ள புதர்களை அகற்றி, ஓடையை துார்வார வேண்டும். இவ்வாறு கூறினர்.