புகார் மனுவில் மக்கள் கூறியிருப்பதாவது: புதியதாக சாலை அமைத்தால், மில்லிங் செய்ய வேண்டும். இந்நிலையில் சென்னிமலையில் சென்னிமலை பிராட்டியம்மன் கோவில் அருகில் இருந்து, பெருந்துறை-ஈங்கூர் சாலையில் மார்க்கெட் அருகில் உள்ள வேகத்தடை வரை, மில்லிங் செய்யப்படாமல், நேற்று முன்தினம் சாலை அமைத்துள்ளனர்.

தேர்தல் நடத்தை விதி அமலில் உள்ள நிலையில், நெடுஞ்சாலைத்துறையினர் இதில் ஈடுபட்டுள்ளனர். யாருக்காக, எதற்காக அவசர கதியில் இந்த சாலை அமைக்கப்படுகிறது? என்பதும் தெரியவில்லை. இரவு-பகலாக புழுதி பறக்க நடக்கும் பணியால், மக்கள் சாலைகளில் நடமாடுவதே சவாலாக மாறியுள்ளது.

தேர்தல் விதிமீறலில் இதெல்லாம் வராதா? என்பதை, மாவட்ட தேர்தல் நடத்தும் அலுவலரான கலெக்டர் ராஜகோபால் சுன்கரா ஆய்வு செய்து, உரிய நடவடிக்கை எடுக்க வேண்டும். இவ்வாறு மனுவில் தெரிவித்துள்ளனர்.