ஈரோடு : ஈரோடு, புது ஆசிரியர் குடியிப்பு காலனி, திரு.வி.க. நகரை சேர்ந்தவர் செல்லதுரை, 33; ஈரோடு மாவட்ட நீதிமன்ற ஊழியர். இவரின் மனைவி இலக்கியா. தம்பதிக்கு குழந்தை இல்லை. கருத்து வேறுபாட்டால் கடந்த ஜன., 28ல் கணவரை பிரிந்து பெற்றோர் வீட்டுக்கு இலக்கியா சென்று விட்டார். மனவேதனையில் இருந்த செல்லதுரை கடந்த, 5ல் வீட்டில் துாக்கிட்டு கொண்டார். அக்கம்பக்கத்தினர் உதவியுடன் மீட்ட சகோதரர் தங்கதுரை, ஈரோடு அரசு மருத்துவமனைக்கு கொண்டு சென்றார். டாக்டர் பரிசோதனயில் அவர் ஏற்கனவே இறந்து விட்டது தெரிந்தது. வீரப்பன்சத்திரம் போலீசார் விசாரிக்கின்றனர்.