ஈரோடு;கோடை வெயிலை சமாளிக்கும் வகையில், ஈரோடு மாநகராட்சியின் அந்தந்த மண்டல அலுவலகங்களில், ஊழியர்கள், துாய்மை பணியாளர்களுக்கு மோர், கம்மங்கூழ் வழங்கப்படுகிறது. ஈரோடு மாவட்டத்தில், வரலாறு காணாத அளவுக்கு நாளுக்கு நாள் வெப்பம் அதிகரித்து வருகிறது. வாகன ஓட்டிகள், பொதுமக்கள் வெப்ப அலையால் பாதிக்கப்படுகின்றனர். குறிப்பாக, ஈரோடு மாநகராட்சியில் பணியாற்றும் துாய்மை பணியாளர்கள், மாநகராட்சி ஊழியர்கள் கடுமையாக அவதிப்பட்டு வருகின்றனர். இதையடுத்து அவர்களுக்கு வெயிலை சமாளிக்கும் வகையில், மாநகராட்சியில் உள்ள அந்தந்த மண்டல அலுவலகங்களில், நீர், மோர், கம்மங்கூழ் நேற்று முதல் வழங்கப்படுகிறது.