ஈரோடு:ஈரோடு லோக்சபா தொகுதி அ.தி.மு.க., வேட்பாளர் ஆற்றல் அசோக்குமார், குமாரபாளையம் சட்டசபை தொகுதிக்கு உட்பட்ட பள்ளிபாளையம் வடக்கு ஒன்றியம், பள்ளிபாளையம் நகரம், நெட்டவேலம்பாளையம், அண்ணா நகர், இந்திரா நகர், புளியம்பட்டி, சின்னஆலந்துார், பழையபாளையம், ஆனங்கூர், தண்ணீர்பந்தல்பாளையம், நத்தமேடு, பள்ளித்துார், திருச்செங்கோடு சாலை, ஆண்டிக்காடு உட்பட பல்வேறு இடங்களில் இரட்டை இலை சின்னத்துக்கு ஓட்டுக்கேட்டு, நேற்று வாக்காளர்களிடம் பேசியதாவது:பள்ளிபாளையம் பகுதி மக்களின் அடிப்படை பிரச்னைகளுக்கு முக்கியத்துவம் கொடுத்து, அதனை களைய உடனடியாக நடவடிக்கை எடுப்பேன். இப்பகுதி முற்றிலும் விசைத்தறி கூடங்கள், ஜவுளி சார்ந்த பல்வேறு மதிப்பு கூட்டிய பணிகள் நடக்கும் பகுதியாகும். சாயக்கழிவு பிரச்னையால், இப்பகுதியில் ஜவுளி உற்பத்தி பாதித்து வருகிறது.