பவானி: சென்னையில் இருந்து கோவைக்கு ஆம்னி பஸ் நேற்று அதிகாலை புறப்பட்டது. சென்னையை சேர்ந்த கார்த்திக், 43, ஓட்டினார். ஈரோடு மாவட்டம் சித்தோடு அருகில், சத்தி ரோடு பாலம் அருகே நேற்று அதிகாலை 4:40 மணிக்கு வந்தபோது, இன்ஜின் பகுதியில் புகை வந்தது. இதனால் டிரைவர் உடனடியாக பஸ்சை சாலையோரம் நிறுத்தி, பஸ்சில் இருந்த, 15 பயணியரையும் உடமைகளுடன் வெளியேற அறிவுறுத்தினார். அப்போது பஸ் திடீரென எரிய துவங்கியது.