ஈரோடு:ஈரோடு மாநகராட்சி, 44வது வார்டுக்கு உட்பட்ட ஸ்டேட் வங்கி ரோடு அருகே, ஓடைப்பள்ளம் பகுதியில், 200-க்கும் மேற்பட்ட குடும்பத்தினர் வசிக்கின்றனர். இவர்களுக்கு கடந்த சில நாட்களாக குடிநீர் வினியோகம் சரிவர இல்லை. இதனால் அவதிக்கு ஆளான மக்கள், காலி குடங்களுடன் காந்திஜி சாலையில், நேற்று காலை சாலை மறியலில் ஈடுபட்டனர். காலை நேரம் என்பதால் போக்குவரத்து கடுமையாக பாதிக்கப்பட்டது. தாசில்தார் முத்துக்கிருஷ்ணன், மாநகராட்சி உதவி ஆணையாளர் சண்முகவடிவு, மூன்றாம் மண்டல தலைவர் சசிகுமார், மக்களிடம் பேசினர்.