பாலமுருகனின் மைத்துனர் பூவேந்திரன், சிவில் இன்ஜினியரிங் படித்து விட்டு, வேலை தேடி வந்தார். இதையறிந்த ஹரிஹரன், '30 லட்சம் ரூபாய் கொடுத்தால் மின்சார வாரியத்தில் வேலை வாங்கி தருகிறேன்' என ஆசை வார்த்தை கூறினார்.

அதை நம்பிய பாலமுருகன், பணத்தை இரண்டு தவணைகளாக கொடுத்தார். அவரின் தாய், தந்தை மற்றும் சகோதரி, கண்டிப்பாக வேலை வாங்கி தருவதாக உறுதி அளித்தனர். ஆனால் இரு ஆண்டுகளாகியும் வேலை வாங்கித் தரவில்லை.

இதுபோல, காங்கேயம், கே.ஜி., நகரைச் சேர்ந்த ஆனந்த் என்பவரிடமும், மகனுக்கு அரசு வேலை வாங்கித் தருவதாக, எட்டு லட்சம் ரூபாய் வாங்கி ஏமாற்றியது போலீசார் விசாரணையில் தெரிந்தது. பாலமுருகன் கொடுத்த புகார்படி, வெள்ளகோவில் போலீசார் விசாரித்து ஹரிஹரனை கைது செய்தனர். தலைமறைவாக உள்ள அவருடைய தந்தை, தாய், தங்கையை தேடுகின்றனர்.