ஈடாக, சரவணன் என்பவர் கிரயம் செய்து கொண்டார். ஆனால், பணத்தை கொடுத்து விட்டதாக கூறி, சில தினங்களுக்கு முன் எஸ்.பி., அலுவலகத்தில், அர்த்தநாரி மனு அளித்தார். செப்., ௪ம் தேதி (நாளை) விசாரணை நடத்துகிறோம். அப்போது வருமாறு கூறி போலீசார் அனுப்பியுள்ளனர்.இதற்கிடையில் நேற்று காலை எஸ்.பி., அலுவலகத்துக்கு தனது மகன், மருமகளுடன் அர்த்தநாரி வந்தார். அப்போது ராதிகா மறைத்து கொண்டு வந்த மண்ணெண்ணெயை தன் மீதும், கணவன், மாமனார் மீதும் ஊற்றி தீக்குளிக்க முயன்றார். போலீசார் மண்ணெண்ணெய் கேனை பறித்து, மூவரையும் அலுவலகத்துக்குள் அழைத்து சென்று விசாரித்தனர்.

'நாளை (செப்.,௪ம் தேதி) அர்த்தநாரி மனு மீது, விசாரணை நடத்தப்படுவதை அறிந்து, அவர் வீட்டின் மீது சரவணன் தரப்பில் கல் எறிந்து, தகாத வார்த்தை பேசியுள்ளனர். இதனால் ஏற்பட்ட மன உளைச்சலால், எஸ்.பி., அலுவலகத்துக்கு வந்து, தீக்குளிப்பு முயற்சியில் ஈடுபட்டுள்ளனர். சரவணனையும் நாளை வரவழைத்து விசாரிக்கவுள்ளோம். இருதரப்பையும் விசாரித்தால் தான் உண்மை தெரியவரும்' என்று, போலீசார் தெரிவித்தனர்.