ஈரோடு: ஈரோடு கலெக்டர் அலுவலகத்துக்கு, ஊர்வலமாக வந்து ஈரோடு மாவட்ட டாஸ்மாக் ஊழியர் - சி.ஐ.டி.யு., மாவட்ட தலைவர் முருகையா தலைமையில் மனு வழங்கி கூறியதாவது: டாஸ்மாக் நிறுவனத்தில், 20 ஆண்டுக்கு மேலாக பணியாற்றும் கடை ஊழியர்களை நிரந்தரமாக்க வேண்டும். கடை ஆய்வில், விற்பனை விலையில் குற்றம் நிரூபிக்கப்பட்டால் விற்பனையாளர், உதவியாளர் மீது மட்டும் நடவடிக்கை எடுப்பதுடன், மேற்பார்வையாளர் மீதும் நடவடிக்கை எடுக்க வேண்டும். பணியிட மாறுதல், தண்டனை வழங்குவதில் முறைகேடு நடப்பதை தடுக்க வேண்டும்.