இதுகுறித்து நகராட்சி சிட்டிங் கவுன்சிலர்கள் சிலர் கூறியதாவது: ஒரு வீதிக்கு குடிநீர் வந்தால், மறு வீதிக்கு தண்ணீர் வருவதில்லை. குழாய் பதிப்பு மற்றும் நீர் நிர்வாகம் அறிந்த பொறியாளர் மூலம் பணியை செய்திருந்தால், திட்டப்பணி முன்பே முழுமை பெற்றிருக்கும். கட்டடம் கட்டுமான பிரிவு பொறியாளரை கொண்டு, குடிநீர் திட்டப்பணி மேற்கொண்டால், எப்படி திட்டம் முழுமை பெறும். ஐந்தாண்டை கடந்தும், குடிநீர் கிடைக்காத பகுதியில், ஓட்டு சேகரிக்க சென்றால், மக்கள் கேள்வியும் எழுப்பினால், தர்ம சங்கடம் ஏற்படும். திட்டப்பணியை விரைந்து முடிக்க வேண்டும். இவ்வாறு கூறினர்.

இதுகுறித்து நகராட்சி அதிகாரி ஒருவர் கூறுகையில், 'நகராட்சியில் உள்ள, 30 வார்டுகளில், 22 வார்டுகளில் குடிநீர் திட்டப்பணி முடிக்கப்பட்டுள்ளது. பணி முடிக்காத பகுதிகளில், 13 ஆயிரத்து 488, பழைய பைப் லைன் மூலமாக தண்ணீர் வினியோகம் செய்கிறோம். பணிகள் முடிக்காத பகுதியில் புதிய பைப் லைனில் சோதனை ஓட்டம் நடக்கிறது. எஞ்சிய பணிகளை விரைவில் முடிக்கப்படும்' என்றார்.