செப்.,1ம் தேதி இரவில் பேரிகார்டுகளை போக்குவரத்து போலீசாரால் அகற்றப்பட்டது. நேற்று காலை சாலையில் பயணித்த வாகன ஓட்டிகள் குழப்பம் அடைந்தனர். மேட்டூர் சாலையில் தினமும் ஒரு மாற்றம் அமலுக்கு வருவது வாகன ஓட்டிகளை சிரமத்தில் தள்ளியுள்ளது. உண்மையில் யு-டர்னை தடுத்து, போக்குவத்து பாதிப்பை தடுக்கத்தான் போலீசார் பேரிகார்டு வைத்தனரா அல்லது தனியார் வர்த்தக நிறுவனங்களை திருப்திபடுத்த பேரிகார்டை வைத்து அகற்றியுள்ளனரா? என்று தற்போது கேள்வி எழுந்துள்ளது. இதுகுறித்து வடக்கு போக்குவரத்து போலீஸ் இன்ஸ்பெக்டர் ராம கிருஷ்ணன் கூறியதாவது: சோதனை அடிப்படையில்தான் பேரிகார்டு வைத்தோம். ஆனால் வெற்றி அடையவில்லை. மக்கள் சிரமப்படுவதாக கருத்து எழுந்தது.

சென்னையில் ஒரு சில சாலைகளில், ௨ கி.மீ., சென்று யு-டர்ன் எடுக்கும் நிலை உள்ளது. அங்கு மக்கள் ஏற்று கொண்டுள்ளனர். ஆனால், இங்கு ஏற்க மறுக்கின்றனர். இதனால் மெதுவாகவே போக்குவரத்து விதிகளை அமல்படுத்த வேண்டியுள்ளது.

இவ்வாறு அவர் கூறினார்.