புன்செய் புளியம்பட்டி: பவானிசாகர் அருகே தயிர்பள்ளத்தை சேர்ந்தவர் கணேசன், 50; அதே பகுதியில் தோட்டத்து வீட்டில் பப்பாளியில் இருந்து மதிப்பு கூட்டு பொருள் தயாரிக்கும் தொழில் செய்து வருகிறார். நேற்று முன்தினம் காலை பொருட்கள் வாங்க வெளியே சென்றார். மதியம் திரும்பி வந்தபோது, அங்கு வைக்கப்பட்டிருந்த கேபிள், ஒயர் மற்றும் இரும்பு உள்ளிட்ட தளவாட பொருட்கள் திருட்டு போனது தெரிந்தது. அங்கு பொருத்தப்பட்டிருந்த 'சிசிடிவி' கேமரா பதிவுகளை ஆய்வு செய்தார்.