இதுபற்றி காசநோய் தடுப்பு பிரிவு அலுவலர்கள் கூறியதாவது:

தேசிய காசநோய் ஒழிப்பு திட்டத்தில் கடந்த ஏப்., 1 முதல் அக்., 31 வரை, சித்தோடு, சென்னிமலை, திங்களூர், மொடக்குறிச்சி, சிவகிரி, அத்தாணி, ஜம்பை, குருவரெட்டியூர், புன்செய் புளியம்பட்டி, உக்கரம், தாளவாடி, டி.என்.பாளையம், சிறுவலுார், நம்பியூர் ஆகிய வட்டாரங்களில் காசநோய் கண்டறியும் முகாம்கள், தானாக சிகிச்சைக்கு வருவோருக்கும் சளி பரிசோதனை செய்யப்பட்டது.

இதன்படி மாவட்ட காசநோய் மையத்தில், 24,695 பேருக்கும், திங்களூர் பகுதியில், 17,861 பேருக்கும், அத்தாணியில், 10,118 பேருக்கு, ஜம்பையில், 10,723 பேருக்கு, உக்கரம் பகுதியில், 10,019 பேருக்கும், சிறுவலுார் பகுதியில், 14,656 பேர் என வட்டாரம் வாரியாக தேவை அடிப்படையில் பரிசோதனை மேற்கொண்டனர். இதில், 3,739 பேருக்கு நோய் பாதிப்பு கண்டறியப்பட்டு, உடனடியாக சிகிச்சை துவங்கப்பட்டது.

இதில், 2,242 பேர் குணமடைந்துள்ளனர். 21 பேர் சிகிச்சையை தொடராமல் இடைநின்றனர். 162 பேர் நோய் பாதிப்புடன் இறந்துள்ளனர்.

இவ்வாறு கூறினர்.