ஈரோடு மாநகராட்சி பகுதியில் பல்வேறு பகுதிகளில் கடந்த, 2 முதல் 4ம் தேதி வரை நடந்த ஆய்வில், பெட்டிக்கடை, டீ ஸ்டால், பேக்கரி, மளிகை ஸ்டோர்களில், புகையிலை பொருட்களை பறிமுதல் செய்து, அக்கடைகளுக்கு அபராதமாக, 2 லட்சம் ரூபாய் விதிக்கப்பட்டது. கடைகளுக்கு நோட்டீஸ் வழங்கி மூடப்பட்டது. கடையின் உணவு பாதுகாப்பு உரிமம், தொழில் உரிமம் ரத்து செய்யப்பட்டது. அதேசமயம் மாவட்ட அளவில் கடந்த ஜன., முதல் மே வரை புகையிலை பொருட்கள் விற்பனை செய்த, 226 கடைகள் மூடப்பட்டு, 62 லட்சம் ரூபாய் அபராதமாக விதிக்கப்பட்டு, 488 கிலோ புகையிலை பொருட்கள் பறிமுதல் செய்யப்பட்டுள்ளது. இதுபோன்ற புகார்களை, 0424 2223545, 94440 42322 என்ற எண்களில் தெரிவிக்கவும், மக்களுக்கு அழைப்பு விடுக்கப்பட்டுள்ளது.