ஈரோடு, ஈரோடு, வெண்டிபாளையம், பால தாண்டயுத வீதியை சேர்ந்தவர் பூபதி, 44, கூலி தொழிலாளி. அதே பகுதியை சேர்ந்த பழனிச்சாமி மகன் மணிகண்டன், 23; இவர்களிடையே குடும்ப பிரச்னையால் முன் விரோதம் இருந்தது. பூபதியின் மகன் சமூக வலைதளத்தில் கத்தியை காட்டி மணிகண்டனை மிரட்டும் விதத்தில் பதிவு போட்டாராம். இதற்கு மணிகண்டனும் சவால் விடுத்தார். இந்நிலையில் பிரச்னையை முடிவுக்கு கொண்டு வரும் விதமாக பூபதி மகன் மன்னிப்பு கேட்டுள்ளார். இதை ஏற்காத மணிகண்டன் நேற்று முன் தினம் இரவு பூபதி வீட்டுக்கு சென்றுள்ளார். அப்போது இரு தரப்பினருக்கும் கைகலப்பு ஏற்பட்டது. இரு தரப்பிலும் இரு சிறுவர்கள் உள்ளிட்ட, 12 பேர் சரமாரியாக தாக்கி கொண்டனர். தகவலறிந்து மொடக்குறிச்சி போலீசார் சென்றனர்.