மாவட்ட விதைச்சான்று மற்றும் அங்ககச்சான்று உதவி இயக்குனர் மோகனசுந்தரம், பண்ணையை ஆய்வு செய்து கூறியதாவது: கோடை காலத்துக்கு ஏற்ற 'ஜிஜி34' என்ற ரகம், 111 நாட்கள் முதல், 125 நாட்களில் அறுவடைக்கு வரும். அதிக எண்ணெய் திறன் (52.82 சதவீதம்) மற்றம் புரதச்சத்து (26.38 சதவீதம்) கொண்டது. டிக்கா இலைப்புள்ளி நோய், துரு நோயை தாங்கி வளரக்கூடியது. ஒரு ஏக்கருக்கு சராசரியாக, 1,000 கிலோ வரை மகசூல் தரக்கூடியது. இவ்வாறு கூறினார். விதைச்சான்று அலுவலர்களுக்கு, ரகங்களின் மகசூல் திறன், குணாதிசயங்கள், வயலாய்வு மேற்கொள்ளும் நடைமுறை, கலவன்களை கண்டறியும் முறை குறித்து பயிற்சி, செயல் விளக்கம் காண்பிக்கப்பட்டது. மாவட்ட விதைச்சான்று அலுவலர்கள், விதைச்சான்று அலுவலர் (தொழில் நுட்பம்) ராதா, உதவி விதை அலுவலர்கள் அசோக்குமார், ராஜா உடனிருந்தனர்.