மாநகராட்சி ஆணையர் சிவகிருஷ்ணமூர்த்தி, நகர்நல அலுவலர் பிரகாஷ், ஆகியோர் முன்னிலை வகித்தனர். 100 சதவீதம் ஓட்டுப்பதிவை வலியுறுத்தும் வகையில், 'விரல் நுனியில் தேசத்தின் தீர்ப்பை எழுதுவோம். உங்கள் ஓட்டின் மூலம் உங்கள் குரலை உயர்த்துவோம். வாக்காளர் என்பதில் பெருமையாக, உங்கள் ஓட்டை அளித்து ஜனநாயகத்தை வலுப்படுத்துங்கள்,' என்ற வாசகம் அச்சிட்ட ஒளிரும் மேல் சட்டைகளை, துாய்மை பணியாளர்களுக்கு கலெக்டர் வழங்கினார்.பின், ஓட்டுப்பதிவை வலியுறுத்தி உறுதிமொழி ஏற்றனர். இடது கை ஆள் காட்டி விரலை உயர்த்தி, 'நாம் அனைவரும் ஓட்டளிப்போம்' என உறுதிமொழி ஏற்றனர்.கூடுதல் கலெக்டர் மணிஷ், மாநகராட்சி செயற்பொறியாளர் விஜயகுமார், உதவி ஆணையர் சண்முகவடிவு உட்பட பலர் பங்கேற்றனர்.