அ.தி.மு.க.,வின், 53வது ஆண்டு விழா பொதுக்கூட்டம், ஈரோடு புறநகர் மேற்கு மாவட்டம் சார்பில், கோபியில் நேற்று முன்தினம் இரவு நடந்தது.

கோபி எம்.எல்.ஏ., செங்கோட்டையன் பேசியதாவது: தமிழகத்தில் வரும், 2026ல், ஆட்சி மாற்றம் ஏற்படும் என்பதை யாரும் மறந்து விடக்கூடாது. அ.தி.மு.க., ஆட்சியில் கொண்டு வரப்பட்ட திட்டங்கள் அனைத்தும், தற்போது இந்த ஆட்சியில் திறப்பு விழா கண்டு வருகிறது. அவிநாசி-அத்திக்கடவு திட்டத்தை, நாம் முதலில் கொண்டு வந்தோம். ஆனால் அந்த திட்டம் தற்போது முடங்கியுள்ளது.

இவ்வாறு பேசினார்.

கோபி நகர செயலர் பிரினியோ கணேஷ், ஒன்றிய செயலர்கள் குறிஞ்சிநாதன், தம்பி சுப்பிரமணியம், கோபி யூனியன் சேர்மன் மவுதீஸ்வரன் உட்பட பலர் பங்கேற்றனர்.