பட்டப்பகலில் வனப்பகுதியிலிருந்து வெளியேறிய ஒரு சிறுத்தை நாயை தாக்கியுள்ளது. வலியால் நாய் சத்தமிடவே அப்பகுதி மக்கள் ஓடி வந்தனர். இதனால் சிறுத்தை ஓடி விட்டது. சில மாதங்களாக இப்பகுதியில் கால்நடை, கோழிகளை சிறுத்தை வேட்டையாடி வருகிறது. கூண்டு வைத்து சிறுத்தைய பிடிக்க வேண்டும் என்று, மலை கிராம மக்கள் கோரிக்கை விடுத்துள்ளனர். நேற்று முன்தினம் பசு மாட்டை சிறுத்தை தாக்கியது. இந்நிலையில் வளர்ப்பு நாயை தாக்கியுள்ளது. ஆட்டை கடித்து, மாட்டை கடித்து மனிதனை கடிப்பதற்கு முன், சிறுத்தைய பிடிக்க நடவடிக்கை எடுக்க வேண்டும். இல்லையேல் பெரிய அளவில் போராட்டம் நடத்தப்படும் என்று, மக்கள் எச்சரிக்கை விடுத்துள்ளனர்.