கடந்த, 15ம் தேதி முதல் கீழ்பவானி வாய்க்காலில், 2,300 கன அடி உயிர் தண்ணீர் திறக்கப்பட்டது. நீர் திறப்பு நாளில் அணை நீர்மட்டம், 58.20 அடி, நீர் இருப்பு, 6.6 டி.எம்.சி.,யாக இருந்தது. இந்நிலையில் அரக்கன் கோட்டை-தடப்பள்ளி பாசனத்திற்கு, 650 கன அடி; கீழ்பவானி வாய்க்காலில், 2,300 கன அடி; குடிநீருக்கு, 100 கன அடி என, 3,050 கன அடி தண்ணீர் வெளியேற்றப்படுகிறது. அதேசமயம் நேற்று அணை நீர்வரத்து, 877 கன அடியாக இருந்தது. நீர் வரத்தை நீர் வெளியேற்றம் அதிகமாக இருப்பதால் அணை நீர்மட்டம் சரிந்து வருகிறது. நேற்று மாலை நிலவரப்படி அணை நீர்மட்டம், 54.49 அடி, நீர் இருப்பு, 5.6 டி.எம்.சி.,யாக இருந்தது. கடந்தாண்டு இதே நாளில் பவானிசாகர் அணை நீர்மட்டம், 102 அடியாக இருந்தது.