புன்செய்புளியம்பட்டி:கோவை மருதமலையை சேர்ந்தவர் பூபதி, 18; பெட்ரோல் பங்க் ஊழியர். அதே பகுதியை சேர்ந்த நண்பர்களுடன் பவானிசாகர் பூங்காவுக்கு நேற்று வந்தார். ஊருக்கு திரும்பும் வழியில் தொப்பம்பாளையம் அருகே கீழ்பவானி வாய்க்காலில் அனைவரும் குளித்தனர். தற்போது பாசனத்துக்காக, 2,000 கன அடி தண்ணீர் திறக்கப்பட்டுள்ளது. வாய்க்கால் நடுவே ஆழமான பகுதிக்கு சென்ற பூபதி, நீச்சல் தெரியாததால் மூழ்கினார். சக நண்பர்கள் கூக்குரலிட்ட நிலையில் அக்கம்பக்கத்தினர் இறங்கி தேடினர். சத்தியமங்கலம் தீயணைப்பு நிலைய வீரர்களும் தேடும் பணியில் ஈடுபட்டனர்.