நேற்று முன்தினம் (செவ்வாய்கிழமை) பிற்பகலில், அரூரில் நடக்கும் அமிர்தவள்ளியின் சின்ன அண்ணன் ராஜ்குமார் திருமணத்திற்கு, கோவையிலிருந்து சொந்த ஊருக்கு கார்த்திக் ேஹாண்டா பைக்கில் சென்றனர். பைக் முன்புறம் கனிஷ்கா, பின்னால் மனைவி சந்தியா, பெரியப்பா மகள் அமர்தவள்ளி ஆகியோரை உட்கார வைத்துக் கொண்டு சென்றார்.

பெருந்துறை அடுத்த சரளை ஏரி கருப்பராயன் கோவில் அருகில் வந்தபோது, பின்னால் வந்த கார் ஒன்று பைக் மீது மோதியது. இதில் பைக்கில் வந்த கார்த்திக், சந்தியா, அமிர்தவள்ளி, குழந்தை கனிஷ்கா ஆகிய நான்கு பேரும் பலத்த காயமடைந்தனர். இவர்களை மீட்டு, பெருந்துறை அரசு மருத்துவக் கல்லுாரி மருத்துவமனைக்கு அனுப்பி வைத்தனர். அங்கு பரிசோதனை செய்த மருத்துவர்கள், குழந்தை கனிஷ்கா ஏற்கனவே இறந்து விட்டதாக தெரிவித்தனர். மற்ற மூவரும் மேல் சிகிச்சைகாக, ஈரோட்டிலுள்ள தனியார் மருத்துமனையில் சேர்க்கப்பட்டனர். பெருந்துறை போலீசார் விசாரித்து வருகின்றனர்.