ஈரோடு: ஈரோட்டுக்கு வந்த முதல்வர் ஸ்டாலின், காளிங்கராயன் இல்லத்தில் நேற்றிரவு தங்கினார். முன்னதாக நேற்று மதியம் முதல் அரசின் திட்டம் தொடர்பான கள ஆய்வு, தி.மு.க., நிர்வாகிகளுடன் சந்திப்பு உட்பட பல்வேறு நிகழ்ச்சிகளில் பங்கேற்றார். இரவு, 8:20 மணிக்கு காளிங்கராயன் இல்லத்துக்கு வந்த முதல்வர், இரவு உணவு உட்கொண்டார். பின் வளர்ச்சி திட்டப்பணிகள், நடந்து வரும் பணிகள், மானிய கோரிக்கையின்போது அறிவிக்கப்பட்ட திட்டங்கள், அறிவிப்புக்களின் நிலைகள் குறித்து அதிகாரிகளுடன் ஆலோசனை மேற்கொண்டார்.