ஈரோடு மாவட்ட சுற்றுச்சூழல் பொறியாளர் ராஜ்குமார் கூறுகையில், ''ஆட்டையாம்பாளையத்தில் கடந்த, 18ம் தேதி இரவில் இரும்பாலை கழிவை கொட்டினர். இரும்பாலை கழிவை கையாளும் நிபுணர்களை அழைத்து ஆய்வு செய்தோம். தடுப்பணை நீரை காலி செய்து, துார்வாரி, அடியில் படிந்த படிமத்தை அகற்ற கேட்டுள்ளனர். சித்தோடு போலீசில் கழிவை ஏற்றி வந்த லாரி, அதன் டிரைவர், உரிமையாளர், கழிவை வழங்கிய ஆலை மீது வழக்கு பதிவு செய்துள்ளோம்,'' என்றார்.

கலெக்டர் ராஜகோபால் சுன்கரா கூறுகையில், ''கழிவை வழங்கிய ஆலையின் கடந்த கால, தற்போதைய செயல்பாடு பற்றி பெருந்துறை மாவட்ட செயற்பொறியாளர் அறிக்கை வழங்கியதும், மாசுகட்டுப்பாட்டு வாரிய தலைவருக்கு அனுப்பி நடவடிக்கைக்கு பரிந்துரைக்கப்படும்,'' என்றார்.