தலைமையில் பூஜை செய்து பணிகளை துவக்கி வைத்தனர். இதேபோல் ஈரோடு தீயணைப்பு அலுவலக வளாகத்தில், டி.ஆர்.ஓ., சாந்தகுமார் தலைமையில், மாவட்ட தீயணைப்பு அலுவலர் செந்தில்குமார் முன்னிலையில் கட்டுமான பணி துவங்கியது.

இதுகுறித்து காவலர் வீட்டு வசதி கழக அதிகாரிகள் கூறியதாவது: எஸ்.பி., அலுவலக வளாகம், 10.80 கோடி ரூபாயில், 31,921 சதுரடி இடத்தில், 28,455 சதுரடியில் கட்டடம் கட்டப்படும். தரைத்தளம், முதல், இரண்டாம் தளம் கட்டப்படும். இங்கு எஸ்.பி., - ஏ.டி.எஸ்.பி.,க்கள் அலுவலகங்கள், தனிப்பிரிவு போலீஸ் ஸ்டேஷன், கூட்ட அரங்கு, வாகன நிறுத்துமிடம் அமையும். இப்பணி, 11 மாதத்தில் முடியும்.

அதுபோல தீயணைப்பு நிலையத்தில், இரு தளங்களுடன், 1,577 சதுர மீட்டரில் கட்டப்படுகிறது. கீழ் தளத்தில், 5 தீயணைப்பு வாகனங்கள், அலுவலக ஜீப் நிறுத்தும் வசதி, தீயணைப்பு நிலைய கட்டுப்பாட்டு அறை, முதல் தளத்தில் தீயணைப்பு நிலையம், வீரர்கள் ஓய்வறை, உபகரணங்கள் இருப்பு அறை, 2ம் தளத்தில் மாவட்ட தீயணைப்பு அலுவலர் அறை, கூட்ட அரங்கும் அமையும். இவ்வாறு கூறினர்.