ஈரோடு, ஈரோடு-சென்னிமலை ரோட்டில் உள்ள கே.கே.நகர் அருகில், ரயில்வே நுழைவு பாலம் உள்ளது. மழைக்காலத்தில் பாலம் அமைந்துள்ள பகுதியில், குளம்போல் மழை நீர் தேங்குவது வாடிக்கையாக உள்ளது. இதனால் போக்குவரத்தும் பாதிப்பது தொடர்கதையாக உள்ளது. கடந்த மூன்று நாட்களாக மாநகரில் மழை பெய்து வரும் நிலையில், நுழைவு பாலத்தில் உள்ள வடிகால்களில் இருந்து தொடர்ச்சியாக தண்ணீர் அதிகரித்து சாலைகளில் வெளியேறுகிறது. இதனால் வாகனங்கள் செல்ல முடியாமல் போக்குவரத்து பாதிக்கிறது.