ஈரோடு, ஈரோடு மாநகரின், முக்கிய பிரதான சாலைகள் எப்போதும் போக்குவரத்து நிறைந்து பரபரப்பாகவே காட்சியளிக்கும். இந்நிலையில் நேற்று சுதந்திர தினம், இன்று கோகுலாஷ்டமி, நாளை ஞாயிற்றுக் கிழமை என தொடர்ந்து மூன்று நாட்கள் விடுமுறை வந்துள்ளது. இதனால், நேற்று முன்தினமே பொதுமக்கள் வெளியூர்களுக்கு படையெடுத்து சென்றனர். இதனால் மாநகரின் முக்கிய சாலைகளான மேட்டூர் ரோடு, சத்தி ரோடு, பெருந்துறை ரோடு, மீனாட்சி சுந்தரனார் சாலை, காந்திஜி சாலை மக்கள் நடமாட்டமின்றி வெறிச்சோடி காணப்பட்டது.