ஈரோடு மாவட்டம் பவானி அருகே காலிங்கராயன்பாளையத்தில், சூதாட்ட கிளப் நடப்பதாக வந்த தகவலின்படி சித்தோடு போலீசார் சோதனை நடத்தினர்.

ஒரு கிளப்பில் ராமநாதபுரம் மாவட்டத்தை சேர்ந்த ராஜா, 21, பெலிக்ஸ், 40, முகிலன், 22; சேலம் மாவட்டம் சங்ககிரி, கல்வ-டங்கம் கார்த்திக், 35; துாத்துக்குடி மாவட்டம் விளாத்திக்குளம் புதுப்படி சிவக்குமார், 55; திருப்பூர் மாவட்டம் காங்கேயம் செந்தில்குமார், 47; ஈரோடு, வீரப்பன்சத்திரம் அப்துல் சலாம், 61; நாமக்கல் மாவட்டம் முருக செல்லபெருமாள் என எட்டு பேர் சூதாட்டத்தில் ஈடுபட்டிருந்தனர். அவர்களை சுற்றி வளைத்த-போது, முருக செல்லபெருமாள் தப்பி ஓடி விட்டார்.

போலீஸ் விசாரணையில், 'காலிங்கராயன் மனமகிழ் மன்றம்' என்ற பெயரில் சூதாட்ட கிளப் நடப்பதும், தி.மு.க.,வை சேர்ந்த சூரியம்பாளையம் பகுதி செயலாளர் குமாரவடிவேல் என்பவ-ருக்கு, கிளப் சொந்தமானது என்பதும் தெரிய வந்தது. ஏழு பேரையும் கைது செய்த போலீசார், நீதிமன்றத்தில் ஆஜர்படுத்தி, சிறையில் அடைத்தனர். குமாரவடிவேல் மீது வழக்குப்பதிவு செய்தனர். குமாரவடிவேல், முருக செல்லபெருமாளை தேடி வரு-வதாக, போலீசார் தெரிவித்தனர்.