தற்போது மாநகரில் மழை பெய்து வரும் நிலையில், இதை பயன்படுத்தி, சாய ஆலை உரிமையாளர், தங்களின் ஆலை கழிவு நீரை, பெரும்பள்ளம் ஓடையில் திறந்து விட்டுள்ளனர். இதனால் பெரும்பள்ளம் ஓடையில் நுரையுடன், துர்நாற்றத்துடன் கழிவுநீர் பாய்ந்தோடுகிறது.இதனால் நிலத்தடி நீராதாரம் பாதித்துள்ள நிலையில், நஞ்சை -ஊத்துக்குளி வாய்க்கால் பாசனமும் பாதிக்கப்பட்டுள்ளதாக விவசாயிகள் வேதனை தெரிவித்துள்ளனர். ஓடையில் திறக்கப்படும் சாயக்கழிவு நீரால், சூரம்பட்டி அணைக்கட்டில் இரு நாட்களுக்கு முன், மீன்கள் செத்து மிதந்தது குறிப்பிடத்தக்கது.