வெங்காய ஏற்றுமதிக்கு தற்போது மத்திய அரசு தடை விதித்துள்ளது. இது விவசாய விரோதப்போக்கு. அதனால், ஏற்றுமதி நிறுத்தப்பட்டுள்ளது. சிங்கப்பூர், மலேசியா, குவைத் போன்ற நாடுகளுக்கு ஏற்றுமதியாக இருந்த சின்ன வெங்காயம் திருச்சி விமான நிலையத்தில் கேட்பாரற்று கிடக்கிறது.

உள்நாட்டில் தற்போது வெங்காய விலை கடுமையாக வீழ்ச்சியடைந்துள்ளது. அதனால், விவசாயிகள் கடுமையாக பாதிக்கப்பட்டுள்ளனர்.தமிழகத்தில் மட்டுமே விளையும் சின்ன வெங்காயத்துக்கு தடை என்பது கூடாது. இந்த தடையால் தமிழக விவசாயிகள், வெளிநாடு வாழ் தமிழர்கள் பெரும் பாதிப்புக்கு ஆளாக்கப்பட்டுள்ளனர்.தாராபுரம், பல்லடம், பொங்கலூர், குண்டடம் ஆகிய இடங்களில் சேமித்து வைக்கப்பட்டுள்ள சின்ன வெங்காயம் விரைவில் அழுகிப் போகும் அபாயம் உள்ளது. மத்திய அரசு வெங்காயத்துக்கான ஏற்றுமதி தடையை உடனடியாக நீக்க வேண்டும்.இவ்வாறு அவர் கூறியுள்ளார்.