இந்நிலையில் நெடுஞ்சாலைத்துறை அதிகாரிகள், சென்னிமலை பி.டி.ஓ., பாலமுருகன், துறை சார்ந்த அதிகாரிகளுடன், முன்னாள் அமைச்சரும் தி.மு.க., மாவட்ட செயலாளருமான வெங்கடாச்சலம் நேற்று பார்வையிட்டு ஆலோசனை நடத்தினார். பிறகு தெருநாய்கள் கடித்து ஆடுகள் பலியான விவசாயிக்கு ஆறுதல் கூறினார்.

இதுகுறித்து அவர் கூறியதாவது: தெருநாய்கள் கடித்து இறந்த ஆடுகளுக்கு நிவாரணம் வழங்க, அரசு ஆணை வெளியிட்டுள்ளது. ஆனால் மாவட்ட நிர்வாகம் மெத்தனமாக உள்ளது. ஒன்பது மாதங்களுக்கு முன் நடந்த சம்பவத்துக்கே இன்னும் நிவாரணம் கிடைக்கவில்லை. மாவட்ட நிர்வாகம் விரைந்து நிவாரணம் வழங்க வேண்டும். இவ்வாறு கூறினார்.