முகாமில் புற்றுநோய், எலும்பு -மூட்டு, பொது மருத்துவம், மகளிர் மருத்துவம் போன்றவற்றிற்கு இலவச ஆலோசனையும் அளிக்கப்படும். எலும்பு அடர்த்தி பரிசோதனை, ரத்தத்தில் சர்க்கரை அளவு, கர்ப்பப்பை வாய் பரிசோதனை ஆகிய பரிசோதனைகள், மருத்துவரின் பரிந்துரைப்படி இலவசமாக செய்யப்படும். வரும், 4ம் தேதி ஞாயிற்றுக்கிழமை அந்தியூரில், ஆப்பக்கூடல் சாலை, தவிட்டுப்பாளையத்தில் அமைந்துள்ள ஆராமஹாலில் காலை 9:00 மணி முதல் மதியம், 1:00 மணி வரை இலவச புற்றுநோய் கண்டறியும் முகாம் நடைபெறுகிறது.மூட்டு மாற்று சிகிச்சை

தேவைப்படுபவர்கள் (அல்லது) பரிந்துரைக்கப்பட்டவர்கள், மூட்டு வலி, இடுப்புவலி, மார்பகத்தில் கட்டி, மார்பகத்தில் வலி, நாள் பட்ட மாதவிடாய் தொந்தரவு, அதிகமான ரத்தப்போக்கு, வெள்ளைப்படுதல், மலச்சிக்கல், வயிற்றுப்போக்கு, பசியின்மை, உணவு விழுங்குவதில் சிரமம் அல்லது வலி, கல்லீரல் மற்றும் கணைய புற்றுநோய், அடிவயிற்றில் கட்டி, குரலில் மாற்றம், எடைகுறைவு, ஆறாத வாய்ப்புண், கழுத்தில் வீக்கம், கட்டி போன்ற பிரச்னை உள்ளவர்கள் முகாமில் கலந்து கொள்ளலாம். முகாமில் கலந்துகொள்வோருக்கு பரிசோதனை மற்றும் சிகிச்சை சலுகை கட்டணத்தில் வழங்கப்படும். மேலும் முகாமிற்கு வரும்போது பழைய மருத்துவ பதிவுகளையும் எக்ஸ்ரே, ஸ்கேன் மற்றும் மருந்து சீட்டுகளை கொண்டு வர வேண்டும். விபரம் பெற, 74188 87411 என்ற எண்ணில் தொடர்பு கொள்ளலாம்.