இதேபோல் வெள்ளகோவிலில், 19 சிலைகள் வைக்கப்பட்டு நேற்று மாலை கடைவீதி வழியாக ஊர்வலமாக கொண்டு செல்லப்பட்டது. இரவு, 7:30 மணியளவில் வாகனத்தில் ஏற்றப்பட்டு கொடுமுடி கொண்டு செல்லப்பட்டு காவிரி ஆற்றில் சிலைகள் கரைக்கப்பட்டன.

தாராபுரத்தில்....

தாராபுரத்தில் இந்து மக்கள் கட்சி சார்பில் விநாயகர் சிலை ஊர்வலம் அமராவதி சிலை அருகே நேற்று மதியம் தொடங்கியது. மாநில இளைஞரணி தலைவர் ஓம்கார் பாலாஜி துவக்கி வைத்து பேசினார். ஊர்வலத்தில் தாராபுரம் நகர் மற்றும் சுற்று வட்டார பகுதிகளில் வைக்கப்பட்ட, 30க்கும் மேற்பட்ட சிலைகள் வாகனங்கள் மூலம் கொண்டு செல்லப்பட்டு, ஈஸ்வரன் கோவில் அருகே அமராவதி ஆற்றில் கரைக்கப்பட்டன.

இதேபோல் வி.ஹெச்.பி. சார்பில், உடுமலை ரவுண்டானா அருகே மதியம், 3:00 மணியளவில் துவங்கிய ஊர்வலத்தில் மாவட்ட தலைவர் வேலுச்சாமி தலைமையில், 11 விநாயகர் சிலைகள் ஊர்வலமாக கொண்டு செல்லப்பட்டு அமராவதி ஆற்றில் கரைக்கப்பட்டது.