முன்னதாக காலை, 6:௦௦ மணிக்கு யாகசாலை பூஜை, திருமஞ்சனத்தை தொடர்ந்து, 7.45 மணிக்கு பெருமாள் திருத்தேர் எழுந்தருளினார். சரியாக, 9:14 மணிக்கு திருத்தேர் வடம் பிடித்து இழுக்கப்பட்டது. நுாற்றுக்கணக்கான பக்தர்கள் 'கோவிந்தா' கோஷம் முழங்க தேரை இழுத்து சென்றனர். ஈஸ்வரன் கோவில் வீதி, மணிக்கூண்டு, பன்னீர்செல்வம் பார்க் வழியாக மாரியம்மன் கோவில் அருகில் தரிசனத்துக்காக நிறுத்தப்பட்டது.

மாலையில் மீண்டும் இழுக்கப்பட்டு காமராஜ் வீதி வழியாக கோவிலில் நிலை சேர்ந்தது. இன்று அதிகாலை, 4:30 மணிக்கு யாகசாலை பூஜை, திருமஞ்சனம், மாலையில் குதிரை வாகனம் புறப்பாடு நடக்கிறது. நாளை மாலை தெப்பக்குளத்தில் சேஷ வாகன புறப்பாடு, 6ம் தேதி தீர்த்தவாரி, ஆஞ்சநேயருக்கு வடமாலை சாற்றுதலுடன் திருவிழா நிறைவடைகிறது.