ஈரோடு, தமிழக எழுச்சி பேரவை மாநில தலைவர் பிரபாகரன் தலைமையில், ஈரோடு எஸ்.பி., அலுவலகத்தில் நேற்று புகார் மனு வழங்கி கூறியதாவது:கரூர், வேலுசாமிபுரத்தில் த.வெ.க., தலைவர் விஜய் பரப்புரையின்போது, அதிகமாக மக்கள் கூடி, தாமதமாக விஜய் வந்ததால், 41 பேர் இறந்தனர். இச்செயல்பாட்டுக்கு விஜய் முக்கிய காரணமாக இருந்துள்ளார். போலீஸ் விசாரணை நடந்து வரும் நிலையில், சமூக வலைதளங்களில் அரசுக்கு எதிராக பொய், அவதுாறுகளை த.வெ.க., நிர்வாகிகள் பரப்பி வருகின்றனர்.