இந்நிலையில் கடந்த, 19, 21ம் தேதிகளில் மழைநீர் வீதியில் புகுந்து, குடியிருப்பு வீடுகளில் தஞ்சம் அடைந்ததால் பொதுமக்கள் சிரமப்பட்டனர். இது குறித்து நமது நாளிதழில் செய்தி வெளியானது. இதனையடுத்து, 22ம் தேதி நேரில் களமிறங்கிய கலெக்டர் கந்தசாமி, பாதிக்கப்பட்ட பகுதிகளை ஆய்வு செய்து, ஓடையை துார்வாரும் பணிகளை துவக்கி வைத்தார்.

இந்த பணிகள் மும்மரமாக நடந்து வந்த நிலையில், நேற்று முன்தினம் ஹிட்டாச்சி வாகனத்தில் ஏற்பட்ட பழுது காரணமாக துார்வாரும் பணி தடைபட்டது. இந்நிலையில், நேற்று மதியம் 1:00 மணியளவில் வாகனம் பழுது சரி செய்யப்பட்டதையடுத்து, துார்வாரும் பணிகள் துவங்கின.