பு.புளியம்பட்டி, புன்செய்புளியம்பட்டி அருகே வெங்கநாயக்கன் பாளையத்தில், ஹிந்து சமய அறநிலையத்துறைக்கு சொந்தமான, மதிப்பாபுரி அம்மன் கோவில் உள்ளது. கும்பாபிஷேக விழாவை முன்னிட்டு, கடந்த சில மாதங்களாக கோவிலில் திருப்பணிகள் நடந்து வந்தன. இந்நிலையில், நேற்று கணபதி ஹோமத்துடன் கும்பாபிஷேக விழா துவங்கியது. முன்னதாக பவானி ஆற்றில் இருந்து தீர்த்தக்குடத்துடன் முளைப்பாரி எடுத்து வரப்பட்டது.