கலெக்டர் ராஜகோபால் சுன்கரா தலைமை வகித்தார். இணைய தள சேவையை துவக்கி வைத்து, வீட்டு வசதித்துறை அமைச்சர் முத்துசாமி பேசியதாவது:

இந்த சேவை, எதிர்கால வளர்ச்சிக்கு வழிகாட்டும் மாற்றங்களை உள்ளடக்கிய நீண்ட கால திட்டமிடலுக்கான சட்டப்பூர்வ ஆவணமாக அமையும்.

கடந்த, 1991-2021ம் ஆண்டுக்கான ஈரோடு முழுமை திட்டமானது, 80.07 சதுர கிலோ மீட்டர் சுற்றளவுக்கு, ஒரு மாநகராட்சி மற்றும் 14 வருவாய் கிராமங்கள் உள்ளடக்கி நடைமுறையில் உள்ளது. தற்போது, 2021-2041ம் ஆண்டுக்கான முழுமை திட்டம், 731 சதுர கிலோ மீட்டர் சுற்றளவுக்கு, ஒரு மாநகராட்சி, 109 வருவாய் கிராமங்களாக விரிவாக்கம் செய்யப்பட்டு, அரசால் இணக்கம் அளிக்கப்பட்டுள்ளது.

இதற்கு மக்களின் ஆட்சேபனை, ஆலோசனை பெற நடவடிக்கை மேற்கொள்ள ஏதுவாக, erodemasterplan@gmail.com என்ற மின்னஞ்சல் மூலம் https://erodedtcp.in என்ற வலைதளம் மூலம் ErodeLPA என்ற பேஸ்புக், erode-_lpa என்ற இன்ஸ்டாகிராம் அடையாள பெயர்களில் எழுத்துப்பூர்வ அல்லது க்யூ.ஆர்., கோடு மூலம், இரண்டு மாத காலத்துக்குள் கருத்துக்களை தெரிவிக்கலாம்.

இவ்வாறு அமைச்சர் கூறினார்.