இதில் வீட்டு வசதித்துறை அமைச்சர் முத்துசாமி பேசியதாவது: தி.மு.க.,வில் இளைஞரணி என்பது மிக முக்கிய அமைப்பாகும். கட்சியிலும், ஆட்சியிலும் விளையாட்டு துறை அமைச்சர் உதயநிதியின் ஆலோசனையுடன் செயல்படுத்தப்படும் முக்கிய நிகழ்வுகளை, இளைஞரணியே மக்களிடம் கொண்டு சென்று சேர்க்க வேண்டும். இளைஞரணியில் உள்ள ஒவ்வொருவரும், தங்களால் அதிகபட்சம் முயன்றவரை பலரை உறுப்பினராக்கி, நிர்வாகிகளாக உயர்த்த வேண்டும். இவ்வாறு பேசினார். கூட்டத்தில் எம்.எல்.ஏ., சந்திரகுமார், மேயர் நாகரத்தினம், நிர்வாகிகள் ரகுராம், சதீஷ்குமார் உட்பட பலர் பங்கேற்றனர்.