அப்போது அவர் கூறியதாவது: இத்திட்டத்துக்கு தேவையான நீரின் அளவு விநாடிக்கு, 250 கன அடி. இந்த உபரிநீர், 60 கி.மீ., தொலைவுக்கு பிரதான குழாய்கள் வழியாகவும், 250 கி.மீ., நீளம் கிளை குழாய் வழியாகவும், அந்தியூர், பவானி மற்றும் மேட்டூர் தாலுகா குளம், குட்டைகளுக்கு வழங்கப்படும். திட்டத்தின் மூலம், 3,931 ஏக்கர் நிலம் நேரடியாகவும், 14,051 ஏக்கர் நிலம் மறைமுகமாக பயன்பெறும். திட்டத்துக்கான விரிவான திட்ட மதிப்பீடு தயாரிக்க, நில அளவை மற்றும் மட்டப்படுதுதல் பணிகளுக்கான நிதி பெறுவதற்காக மதிப்பீடு தயாரிக்கும் பணி நடந்து வருகிறது. இவ்வாறு அமைச்சர் கூறினார்.

அமைச்சருடன் கலெக்டர்கள் கந்தசாமி (ஈரோடு), பிருந்தா தேவி (சேலம்), ராஜ்யசபா எம்.பி., செல்வராஜ், ஈரோடு எம்.பி., பிரகாஷ், எம்.எல்.ஏக்கள்., வெங்கடாசலம், சந்திரகுமார் மற்றும் துறை அதிகாரிகள் கலந்து கொண்டனர்.