ஈரோடு: ஈரோடு, திருப்பூர், கோவை, நீலகிரி மாவட்டங்களில் நேற்று பலத்த மழை பெய்யும் என வானிலை ஆய்வு மையம் எச்சரிக்கை விடுத்திருந்தது. ஆனால், ஈரோடு மாநகரில் நேற்று காலை வழக்கம்போல் வெயில் தாக்கம் அதிகரித்தது. அதாவது, ௧௦௧.௪ டிகிரி வெயில் பதிவானது. இதனால் மக்கள் புழுக்கத்தில் தவித்தனர். மதியம், 3:௦௦ மணியளவில் துாறல் போடத் தொடங்கியது. பழையபாளையம், நசியனுார் ரோடு, வெட்டுக்காட்டு வலசு, கணபதி நகர், வீரப்பம்பாளையம் உள்ளிட்ட பகுதிகளில் மிதமாக பெய்த மழை, 15 நிமிடங்களில் முடிவுக்கு வந்தது. ஆனாலும் சாரல் மழையாக மாறி துாறியது. பலத்த மழை இல்லாவிட்டாலும் வானம் இருண்டும், அவ்வப்போதும் இடியும் இடித்தபடி இருந்தது. இதனால் மாலையில் வெப்பத்தின் தாக்கம் வெகுவாக குறைந்தது.