ஈரோடு: இந்திய பள்ளிகள் விளையாட்டு குழுமம் நடத்தும், 68வது தேசிய அளவிலான, 17 வயதுக்கு உட்பட்டோர் கையுந்து பந்து போட்டிக்கான தேர்வு, நாமக்கல் மாவட்டத்தில் நடந்தது. இதில் நம்பியூர் குமுதா பள்ளி பிளஸ் 1 மாணவிகள் கனிஷ்கா, ரித்திகா தமிழக அணிக்கு தேர்வாகி சாதனை படைத்தனர். உ.பி., மாநிலத்தில் அடுத்த மாதம் நடக்கும் போட்டியில், தமிழக அணிக்காக விளையாடுவர். இதேபோல், 19 வயதுக்கு உட்பட்ட, 55 கிலோ முதல் 57 கிலோ வரையிலான, மல்யுத்த போட்டியில், குமுதா பள்ளியின் பிளஸ் ௧ மாணவி நேத்ரா, தமிழக அணிக்கு தேர்வு செய்யப்பட்டுள்ளார்.