ஈரோடு: சித்தோடு அருகே எலவமலை, மூவேந்தர் நகர், சக்தி நகரில் வசிக்கும் தாயகம் திரும்பிய மக்கள், ஈரோடு கலெக்டர் அலுவலகத்தில், நேற்று வழங்கிய மனுவில் கூறியதாவது:தாயகம் திரும்பிய மக்கள் வீடு கட்டுவதற்காக மத்திய, மாநில அரசுகளால் வழங்கப்பட்ட வீட்டு கடன் தள்ளுபடி செய்யப்பட்டது. நாங்கள் அடமானமாக வைத்திருந்த கிரைய பத்திரம், பாஸ்போர்ட், ரேஷன் கார்டு ஆகியவற்றை உரியவர்களிடம் திரும்ப ஒப்படைக்க, முதல்வர் ஸ்டாலின் கடந்த பிப்., மாதம், 22ல் உத்தரவிட்டார்.