மூதாட்டி எதிர்ப்பு

டி.என்.பாளையம், டிச. 2--

டி.என்.பாளையம் அருகே புள்ளப்பநாயக்கன்பாளையம் ஊராட்சியில், தனியார் சர்க்கரை ஆலைக்கு சொந்தமான நிலம் உள்ளது. இதில் டி.ஜி.புதுார் அருகேயுள்ள வேட்டுவன்புதுாரை சேர்ந்த கருப்பாள், தனது தந்தைக்கு (பாத்தியம்) இடமிருப்பதாக கூறி, கடந்த, 29ம் தேதி குடிசை அமைத்தார். இந்நிலையில் வாணிப்புத்துார் நில வருவாய் ஆய்வாளர் ஜெயக்குமார் தலைமையிலான வருவாய் துறையினர், சத்தி டி.எஸ்.பி., சரவணன் முன்னிலையில், குடிசையை அகற்ற நேற்று வந்தனர். கருப்பாள் எதிர்ப்பு தெரிவித்து, அதிகாரிகள் மற்றும் போலீசாருடன் வாக்குவாதத்தில் ஈடுபட்டார். நிலம் தனக்கு சொந்தமானது என்று ஏதேனும் ஆவணங்கள் இருந்தால், போலீஸ் ஸ்டேஷனுக்கு கொண்டு வந்து காட்டுமாறு கருப்பாளிடம், போலீசார் தெரிவித்தனர். இதை கருப்பாள் ஏற்றுக்கொண்டதை தொடர்ந்து, அதிகாரிகள் குடிசையை முழுமையாக அகற்றினர்.