ராசிபுரம்: ராசிபுரம் அருகே, 180 ஆட்டு கிடா வெட்டி ஆண்கள் மட்டுமே வழிபாடு நடத்தினர்.ராசிபுரம் அடுத்த மலையாம்பட்டி கிராமத்தில், ஆலமரத்துக்கு அடியில் மலையாள தெய்வம் பொங்களாயி அம்மன் கோவில் உள்ளது. இக்கோவிலில் ஆண்டுதோறும் ஆடி மாதம் ஆண்கள் மட்டுமே கலந்துகொள்ளும் பொங்கல் திருவிழா நடைபெறுவது வழக்கம். இக்கோவிலில் பக்தர்கள் தங்கள் நேர்த்திக்கடனுக்காக ஆடுகளை பலியிடுவது வழக்கம். நேற்று மாலை, அம்மனுக்கு பூ அலங்காரம், தோரணைகள் கட்டப்பட்டடன. மாலை முதல் வேண்டுதலுக்கு கிடா வழங்குபவர்கள் தங்களது கிடாக்களை கோவிலில் கட்டத்தொடங்கினர். இரவு, 8:00 மணிக்கு மேல் பக்தர்களும் அதிகளவு வரத்தொடங்கினர். ராசிபுரம் மற்றும் நாமகிரிப்பேட்டை போலீசார் பாதுகாப்பு பணியில் ஈடுபட்டிருந்தனர்.