ஈரோடு: சென்னிமலை அருகே முருங்கத்தொழுவு, கொமராபாளையம் கிராம மக்கள், மணிமலை கருப்பண்ண சுவாமி கோவில் நிர்வாகி பழனிசாமி தலைமையில், ஈரோடு கலெக்டர் அலுவலகத்தில் நேற்று மனு வழங்கி கூறியதாவது: மணிமலையில் கருப்பண்ண சுவாமி கோவில் பழமையானது. 160 ஏக்கர் வனப்பகுதியில் உள்ள இவ்விடத்தில் வனத்துறையினர் மரங்களை நட்டு வளர்த்து வந்தனர். தற்போது சில அரசியல் கட்சியினர், ரியல் எஸ்டேட் தொழில் செய்பவர்கள், அரசு அதிகாரிகளுடன் இணைந்து மணிமலை பகுதியில் வீட்டுமனை பட்டா வழங்க நடவடிக்கை எடுத்து வருகின்றனர்.