ஈரோடு மாவட்ட அரசு தலைமை மருத்துவமனையில், 67 கோடி ரூபாய் மதிப்பில் மல்டி ஸ்பெஷாலிட்டி (பல்நோக்கு) மருத்துவமனை கட்டப்பட்டது. இங்கு தினமும் ஆயிரக்கணக்-கான புற நோயாளிகள், நுாற்றுக்கணக்கான உள்நோயாளிகள் வந்து செல்கின்றனர். மல்டி ஸ்பெஷாலிட்டி ஆன பின்னரும், உரிய டாக்டர்கள் நியமிக்கப்படவில்லை. இதனால் நோயா-ளிகளை கோவை, சேலத்துக்கு அனுப்பும் சூழல் தொடர்கிறது. ஏழை நோயாளிகள் பெரும் சிரமம், அலைக்கழிப்புக்கு ஆளாகின்-றனர். பொருளாதார ரீதியாகவும் பாதிக்கப்படுகின்றனர். ஈரோடு அரசு மருத்துவமனையில் முதற்கட்ட மருத்துவ விசாரணை, பரி-சோதனை மட்டுமே செய்யப்படுகிறது. சிகிச்சை, அறுவை சிகிச்சை செய்வதில்லை எனவும் மக்கள் புகார் கூறுகின்றனர்.

இதுபற்றி பொதுமக்கள் கூறியதாவது: மூளை நரம்பியல், ரத்த நாளங்கள் பிரிவு, புற்று நோய் பிரிவு, நரம்பியல் பிரிவு, பிளாஸ்டிக் சர்ஜரி பிரிவு, சிறுநீரக பிரிவு, குழந்தைகள் நல அறுவை சிகிச்சை நிபுணர் உள்ளிட்ட பல பிரிவுகளில் சிறப்பு மருத்துவ நிபுணர்கள் இல்லை. ஆஞ்சியோ பிளாஸ்ட், ஆஞ்-சியோ கிராம் செய்ய சிறப்பு நிபுணர்கள் இல்லை. இதுபோன்று பல்வேறு பிரிவுகளிலும் ஓராண்டுக்கு மேலாகியும் உரிய சிறப்பு நிபுணர்கள் இல்லாததால், மல்டி ஸ்பெஷாலிட்டி கட்டடம் துவங்கும் முன்பிருந்த நிலையே தற்போதும் நீடிக்கிறது. மொத்தம், 21 டாக்டர் பணியிடம் காலியாக உள்ளது. இம்மருத்து-வமனையில் டயாலிசிஸ் மட்டுமே செய்து கொள்ள முடியும். சிறு-நீரக மாற்று அறுவை சிகிச்சை செய்ய வழியில்லை. சிறப்பு நிபு-ணர்களை நியமித்து ஈரோட்டிலேயே அனைத்து உடல் பிரச்-னைக்கும் தீர்வு காண எப்போது தீர்வு கிடைக்கும் என தெரிய-வில்லை. இவ்வாறு கூறினர்.

இதுபற்றி அரசு மருத்துவமனை டாக்டர்கள் கூறியதாவது: பல்-வேறு மருத்துவ பிரிவுக்கு, 10 சிறப்பு மருத்துவ நிபுணர்கள் பணி-யாற்ற ஆணை வழங்கப்பட்டுள்ளது. விரைவில் பணியில் சேரக்கூடும் என எதிர்பார்க்கிறோம். சிறுநீரக மாற்று அறுவை சிகிச்சை, மருத்துவ கல்லுாரி மருத்துவமனைகளில் மட்டுமே செய்ய முடியும். அரசு மருத்துவமனைகளில் செய்ய இயலாது. ஆஞ்சியோ பிளாஸ்ட், ஆஞ்சியோ கிராம் மருத்துவ வசதி இம்ம-ருத்துவமனைக்கு வரும் என எதிர்பார்க்கிறோம். ரத்த நாளங்கள் பிரிவுக்கு தற்போது டாக்டர்கள் வர வாய்ப்பில்லை. இவ்வாறு கூறினர்.