பின், வீட்டு வசதி, மதுவிலக்கு மற்றும் ஆய்த்தீர்வைத்துறை அமைச்சர் முத்துசாமி, மகளிர் உரிமைத்தொகை உள்ளிட்ட கோரிக்கை மனுக்களை பெற்று, நலத்திட்ட உதவி வழங்கி பேசியதாவது:

மாவட்டத்தில் இங்கு துவங்கிய முகாமுடன் அக்., மாதம் வரை, 340 முகாம் நடத்தப்படும். முகாம் துவங்கியதும், மகளிர் உரிமைத்தொகைக்கு, 100, பிற கோரிக்கை மனு, 300 பெறப்பட்டது. ஒரே நாளில், 3,000 மனு பெறப்படும் என எதிர்பார்க்கிறோம்.

மாநகரில், 2, 3, வார்டுகளை இணைத்து முகாம் நடக்கும். பிற பகுதிகளில் முறையான அறிவிப்பு செய்து முகாம் நடத்தப்படும். இங்கு நடக்கும் முகாமில் பெறப்படும் மனுக்கள், 45 நாளில் தீர்வு காணப்படும். இவ்வாறு கூறினார்.

நிகழ்ச்சியில் எம்.பி.,க்கள் அந்தியூர் செல்வராஜ், பிரகாஷ், எம்.எல்.ஏ., சந்திரகுமார், மேயர் நாகரத்தினம், துணை மேயர் செல்வராஜ், மாநகராட்சி ஆணையர் அர்பித் ஜெயின் உட்பட பலர் பங்கேற்றனர்.