ஈரோடு: பெங்களூரை சேர்ந்தவர் ரூபி கான், 35; ஈரோட்டில் பல்வேறு இடங்களில் மொபைல்போன் டவரில் ஒயர்களை திருடிய வழக்கில், வெள்ளோடு போலீசாரால் கைது செய்யப்பட்டார். கடந்த, 25ம் தேதி இரவு ஈரோடு அரசு மருத்துவமனைக்கு வெள்ளோடு போலீசார், மருத்துவ பரிசோதனைக்கு அழைத்து வந்தனர். பிறகு ஈரோடு விரைவு நீதிமன்றம்-1ல் ஆஜர்படுத்தி, பெருந்துறை கிளை சிறையில் ஒப்படைக்க அழைத்து சென்றனர். செல்லும் வழியில் ஒரு ஓட்டலில் சாப்பிட்டபோது ரூபிகான் தப்பி ஓடி விட்டார். 25 நாட்களாகியும் ரூபிகானை பிடிக்க முடியாமல் போலீசார் திணறி வருகின்றனர்.